Primeiro premio da IV edición: “Ocaso castrexo” de Oscar Doral García.
Primeiro premio da IV edición: “Ocaso castrexo” de Oscar Doral García.

Xuño 2018 O Vicepresidente da Deputación, Argelio Fernández Queipo, informou sobre a posta en marcha da V Edición do certame fotográfico das Reservas da Biosfera Terras do Miño e os Ancares Lucenses, que promove o Goberno da Deputación para impulsar o estudo dos territorios naturais lucenses, dende unha perspectiva social, e poñendo en valor a identidade propia da provincia.

Tema: Festas populares, tradicionais de Interese turístico

Fernádez Queipo subliñou que “nesta ocasión, o concurso ten como tema central os usos, rituais e actos festivos que constitúen e estruturan os costumes e a vida social dos veciños que habitan nas reservas da biosfera, e reafirmando a identidade que temos como provincia. Preténdese, polo tanto, que nas instantáneas se amose algunha das múltiples festividades e conmemoracións que se suceden ao longo da xeografía das dúas Reservas da Biosfera e que recordan valores tradicionais”.

Os tres mellores traballos presentados recibirán premios en metálico de 800, 500 e 300 euros, respectivamente. Os criterios a valorar serán a composición, orixinalidade e calidade estética da imaxe. O gañador darase a coñecer ao longo do cuarto trimestre do ano. O prazo de presentación dos traballos xa está aberto ata o próximo 1 de setembro. Os interesados, deberán presentar os seus traballos a través do Rexistro Provincial do Pazo de San Marcos. Poderán optar ao premio todas as persoas maiores de idade que non fosen premiadas anteriormente. As fotografías, que poden ser en branco e negro ou en cor, deben realizarse no territorio das Reserva da Biosfera Terras do Miño e Os Ancares Lucenses e Montes de Navia, Cervantes e Becerreá, tendo como temática Festas populares, tradicionais de Interese turístico.

Os participantes deberán entregar as imaxes recollidas nun CD e tamén copia en papel fotográfico, dentro dun sobre pechado que inclúa o nome e apelidos do autor, data de nacemento, enderezo, teléfono, correo electrónico, título da obra e lugar onde se realizaron. Cada autor só pode presentar unha fotografía. As bases completas poden consultarse na web www.deputacionlugo.gal.

TAMÉN TE PODE INTERESAR:

Fotografías gañadoras do IV Concurso de Fotografía das Reservas da Biosfera