OCT 2017 Despois de recibir numerosas propostas, a organización do Festival de Artes Escénicas da nosa cidade, ven de pechar a programación, e este ano 2017 teremos nada máis e nada menos que 4 días de «Cartografía en movemento«:

Data: 28 de Outubro

12:00 Moveste? Lugar: Comezo da rúa da Raiña

Alumn@s teatro-danza ESCOLA PALIMOCO E PALIMOQUIÑOS
Dirección: Paloma Lugilde

12:30 Das súas mans  Lugar: Praza traseira do vello cárcere de Lugo
Artistas: Eva Valle e Javier Seral

13:00 Soños? Lugar: Praza Sta. María Artistas: Grupo teatro Down Lugo

Dirección: Paloma Lugilde

13:45 Trenza Lugar: Rúa da Tinería,26

Artista: Nieves Neira
Sinopse: Trenza é un xesto de lectura no que converxen a obra de tres poetas e un lugar amándose.

16:30 Cara A – Cara B Lugar: R. Poeta Noriega Varela

Iria Otero e Mar Freire

17:15 Yo espejo Lugar:Mirador do parque de Rosalía

Artista: Remedios Cuba
Sinopse: A través do espello refléxase o entorno o público e eu. É coma o neno pequeno que descubre o seu corpo a través da imaxe no espello. Unha reflexión sobre a mirada propia e a dos demais que actúan como reflexo de nós mesmos.

17:45 Interludio Lugar: Parque de Rosalía

Artista: Colectivo 3Monos e amigos
Sinopse:
O ser humano é o único asceta da vida, dicía o filósofo. Buscamos, dentro da vida, un lugar onde descansar, un negativo onde poder parar o mundo. Constantemente fracasamos, movidas polo mesmo frenesí do que fuximos: non hai lugar. Non. O interludio non é o silencio. Sabendo que a pausa é necesaria entre as partes dunha peza musical, ou as escenas dunha ópera, pero sabendo que nada para no mundo, o interludio propón outro ritmo: descansar en movemento.

De inter, entre, e ludere, xogo ou práctica, a palabra Interludio remítenos á idea de xogar no medio, ou xogar a ratos; a abrir, onde quer que sexa, un espazo de xogo. E que entendemos nós, como xogo? A folla que se prende no vestido. O abalo das herbas que agroman nunha esquina da rúa. A última luz no alto dun edificio. Todo iso que se move cando paramos un pouco, coma o poeta: “Quédate quieto y observa cómo se mueve el mundo”.

Non somos ascetas: queremos xogar. E se falamos de parar, e só coma quen se prepara para dar o salto de montarse en todo o que rápido fuga, no palpebrar do intre.

18:30 A profecía Lugar: Praza da Constitución, Lugo

Artista: Daniel Pardo

19:00 In mapa son Lugar: Arco da muralla da praza de Campo Castelo

Artista: María Move
Sinopse: O sonido en directo convoca o público. Será creado in situ a través dunha Loop Station e xogos vocais. A creación musical, surxirá do diálogo sonoro co espazo e o público do momento.

19:30 Clase aberta de swing Lugar: Praza Maior

Imparte: Lola Fernández (Swing Jazz Lugo)

Sinopse: Performance de danza-teatro na que Daniel Pardo danzará unha profecía bíblica

O Festival Cartografía en Movemento  está organizado pola asociación «3monos», una asociación creada por un grupo de artistas  para a promoción das artes escénicas na cidade de Lugo. Os integrantes deste equipo pertencen a distintos grupos de danza, teatro e performance. Cartografía en movemento é un festival autoxestionado que se celebra nas rúas da cidade de Lugo dende 2012