Codex Cinema do 18 de maio en adiante
O vindeiro venres 19 de maio os Codex Cinema estrean os filmes:
“SICA” da directora Carla Subirana que constrúe unha fábula profunda e emocionante, unha crítica da industria pesqueira e o cambio climático
Sinopse:
Sica, unha nena de 14 anos, está obsesionada con que o mar lle devolva o corpo do seu pai tras un naufraxio na Costa da Morte. Mentres percorre os acantilados coñece a Suso, «o Cazatormentas», rapaz de 15 anos que agarda a chegada de Ofelia, a nai de todas as tormentas.
Sica investiga as circunstancias do accidente e entra nunha difícil viaxe de descubrimento.
Aos seus ollos, o pobo mariñeiro onde medrou, marcado pola brutalidade do seu océano e o crecente desequilibrio da Natureza, xamais volverá ser o mesmo.
A outra estrea desta semana nos Codex Cinema é o filme italiano «As oito montañas» dos directores Felix Van Groeningen e Charlotte Vandermeersch.
Un melodrama perfecto, unha bonita historia de amizade que trata con enorme sensibilidade os afectos infantís, a relación coa natureza e os vínculos paternos.
Sinopse: as vivencias ao longo dos anos de Pietro, un rapaz de cidade que visita periodicamente o seu pobo, e Bruno, que permanece no pobo e mantense fiel á súa
montaña, faranlles enfrontarse ao amor e á perda, lembrándolles as súas orixes e abrindo paso ao destino.
Esta película gañou o Premio do Xurado no Festival de Cannes de 2022 e na Seminci do mesmo ano obtivo o premio á Mellor Fotografía.
Somos a axenda cultural de Lugo e o medio dixital onde enterarte de tódolos eventos culturais e de ocio da cidade: concertos, teatro, exposicións, cine, espectáculos, presentación de libros, danza…
Contacta: vivalugo@vivalugo.es
© 2018 Viva Lugo | Deseño web feito co ♡ por El cielo del norte