Presentación do libro STOP

Presentación e dedicatorias do libro por elerre, autor da historia e dos debuxos, dunha obra de banda deseñada editada por Figurandorecuerdosedicions que nos achega o mundo rural e o da inmigración

“STOP” arrinca dende o Sur máis miserable, unha África subsahariana da que un mozo fuxe na busca dun mañá incerto pero soñado nun Norte desnortado»

«…fermosa BelezaDebuxada(BD) do debuxanteescritor galego elerre …»

Elerre – fb-

elerre sae de dúas letras sacadas do patronímico e a matronimia, unha forma de agocharse e desvencellarse do facer cotián (da decente docencia) polo debuxar do maxín (de indecentes ideas). Empurrado por aqueles que saben do meu querer en figurar imaxinacións e tamén recordos, van saíndo distintos e esporádicos faceres coma carteis, ilustracións para algunhas publicacións literarias e agora, asomando do caixón, unha historia de cores relatada en secuencias de cadros que non son quen de limitar o seu contido e queren contar algo.