Pólvora. Disparos de poesía e música en Lugo

«Como poeta outsider, minoritario e minúsculo, compráceme anunciarvos esta nova campaña / tentativa de pequenas invasións, a partir deste meu PÓLVORA.

Próximas murallas a derribar: LUGO.
Punto de partida cara á batalla: o emblemático Ho Gruf

Polas bravas, con versos e música, acompañado e arroupado polo máis grande poeta e bardo lugués, que non é outro que Lois Pérez

A idea é espallar a catro mans e dúas gorxas, entre rifs de guitarra e grolos de licor café, cervexa, mirinda ou viño con gasosa, un feixe de poemas, laretadas, prédicas, proclamas, sermóns, disertacións e/ou razoamentos.

Todo ben poético pero con altas doses de rabia, crítica e retranca.

Epílogo: Os tempos son chegados dos dardos das cidades.

Epitafio: Polbo somos e en Pólvora nos converteremos!» Carlos Da Aira