Teatro – A nova historia da Cigarra e a Formiga
20 de noviembre - 18:30
Teatro – A nova historia da Cigarra e a Formiga
Teatro do Andamio
domingo, 20 de novembro de 2022 18:30 hs.
Sinopse:
Quen non coñece a fábula da Cigarra e a Formiga? Aquela, da cigarra preguiceira e da formiga traballadora. Mais ímosvos contar unha nova historia que comezou despois dunha noite de tormenta, que fixo que todo cambiara.
Cambiou a vida da Formiga, que vivía na saída de emerxencia do formigueiro coidando das flores e cantando as cancións que inventa mentres ninguén a escoita.
Cambiou a vida da Cigarra, que chega ao fermoso outeiro despois de vagar durante moito tempo buscando un lugar mellor para vivir en paz. Este encontro non vai ser doado, pero será tan necesario…
Esta tenra historia fala de ser quen de superar os medos de facer nas nosas vidas o que realmente desexamos.
Idade recomendada: A partir dos 4 anos.
ENTRADAS: A través do portal web entradaslugo.es e na Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.
