Teatro – Iphixenia na porta do Súper

Lugar: Auditorio Gustavo Freire.

Idade recomendada: A partir de 12 anos.

Dirección: Sara Rey Seoane.
Intérprete: Alba Caneda.

Sinopse:
Iphixenia na porta do súper é unha revisión contemporánea do mito clásico de Eurípides. Unha brillante versión premiada como mellor texto do 2015 nos UK Theatre Awards for Best New Play.

Estreada xa en varios países cun éxito rotundo, a súa adaptación ao español consagrou á actriz María Hervás conseguindo o premio Max á Mellor Actriz Protagonista, Mellor Espectáculo Revelación e Mellor Versión Teatral.

Agora chega por primeira vez a Galicia e en galego este emocionante e necesario monólogo.

Un monólogo actual que fala das consecuencias dos recortes sociais a través da vida da súa protagonista de clase baixa. Unha personalidade magnética, directa, que nos amosa sen filtros e con humor a humanidade que se esconde tralas colas na atención primaria, recorte de camas hospitalarias, ausencia de médicos…