«Xantares Biocientíficos»: xenética e lince ibérico

O investigador científico da Estación Biolóxica de Doñana, José A. Godoy, disertará o venres 7 de xuño, ás 13.00h, no edificio Cactus de Lugo, sobre a contribución da xenética no declive e recuperación do lince ibérico, no marco dos ‘Xantares Biocientíficos’ que organiza a Agrupación Estratéxica de Investigación do Campus Terra da USC BioReDes.

Tralo relatorio, Panadería Da Cunha servirá uns petiscos para favorecer un clima distendido no que intercambiar ideas e fomentar a interactuación entre o público asistente. BioReDes está aberta á recepción de suxestións sobre charlas de interese para os seus ‘Xantares Biocientíficos’, as cales poden remitirse a Iago Rodríguez, técnico de I+D da Agrupación no enderezo electrónico iago.palmeiro@usc.es. A entrada aos ‘Xantares’ é de balde ata completar aforo.