Xurxo Souto – XX anos de literatura

Xurxo Souto – XX anos de literatura (humilde celebración)

Xurxo Souto anda de (humilde) celebración: XX anos na literatura. E quere compartilo coas persoas e os lugares con máis aquel que coñeceu grazas aos libros.

Principiará este sábado, 5 de marzo, en Lugo. Ás 12 horas no Vello cárcere, da man da A.C. Cultura do País.

Conversas (e algunha cantarea) sobre “Pangalaica” e “O Retorno dos Homes Mariños”. A crónica do Lugo rabudo dos 90, coa presenza estelar, convidado de honra, de Antón Díaz ( Papaqueixos, Ulträqäns). E a noticia de “Amaro navegante”, feito extraordinario: 111 anos despois, volveu a romaría das galegas e dos galegos en Lisboa.

Remataremos cantando o himno ( que naceu nestes anos de ruta):

Son de Lugo con orgullo,

son de Lugo e non o nego,

Piringalla e Recatelo.

Levo tatuada

toda rolda da Muralla

Lugo ! Lévote dentro !

Somos un pobo de artistas !

Medre Cultura do País!