Cursos de xoeiría, coiro e tecido no Centro de Artesanía e Deseño.
A Vicepresidencia da Deputación de Lugo, a través da área de Artesanía e Deseño, pon un ano máis en marcha o programa de formación anual.
Está aberto o prazo de solitude dos seguintes cursos que se impartirán no primeiro semestre do ano no Centro de Artesanía e Deseño:
Fusión creativa. Explorando metal e cerámica no deseño de xoias, en que se introducirá ao alumnado na creación de pezas con estes materiais, e que se desenvolverá do 24 de febreiro ao 27 de marzo, en horario de 16:30 a 20:20 horas.
Elaboración de complementos de coiro, en que se ofrecerán coñecementos sobre as ferramentas e materiais específicos paa traballar o coiro e técnicas de corte, deseño e acabado das prazas. Desenvolverase do 24 de febreiro ao 20 de marzo, de 10.00 a 13.30 horas.
Tear de baixo lizo, orientado a ensinar nocións e técnicas sobre o tecido no tear traballando e desenvolvendo métodos para a súa utilización. Desenvolverase do 21 de marzo ao 30 de maio, en horario de 16.30 a 20.30 horas.
O prazo de solicitude manterase aberto ata o 20 de febreiro ás 15.00 horas.
Programas de cada curso e inscrición nesta web da Deputación de Lugo.
