Guido Guía propón 10 paseos guiados polo Lugo menos coñecido no X aniversario do seu proxecto
Guido Álvarez Parga (proxecto Guido Guía) anunciou nas súas redes un ciclo especial, polo X aniversario do seu proxecto, de paseos guiados #OLugoMenosCoñecido.
Entre o 9 de agosto e o 20 de decembro, ao longo de dez sábados repartidos neses cinco meses, as persoas interesadas terán a oportunidade de desfrutar de dez dos trinta capítulos de paseos guiados por recunchos especiais e menos coñecidos da cidade lucense, é dicir, do que fora a primeira iniciativa do proxecto Guido Guía.
Estas serán as datas e os títulos:
9 de agosto: Un barrio sen reloxo
23 de agosto: A senda do Fervedoira
6 de setembro: O bosque sagrado
20 de setembro: O anel verde
4 de outubro: O Regueiro das Hortas
8 de novembro: Segredos do Mera
15 de novembro: Enigmas lucenses
22 de novembro: O primeiro Camiño
13 de decembro: O nacemento do Rato
20 de decembro: O val do Miño
Dez actividades, dez itinerarios, todos sairán ás 10h ou 11h da mañá dende o Parque Rosalía ou dende a Ponte Romana. O prezo é de 8 € por persoa e actividade, pero hai descontos por idade e a posibilidade de adquirir bonos de 10 paseos cun 20% de desconto. As inscricións fanse a través do correo electrónico guidoguiaturismo@gmail.com
