Concerto da Orquestra de Cámara Lug «Sons herdados»
O sábado día 21 de febreiro ás 18:30h no Salón de Columnas do Círculo das Artes, a Orquestra de Cámara Lug que é unha agrupación formada polos alumnos do Centro de Música Glissando, realizará un concerto titulado Sons Herdados.
Este concerto pretende transportarnos nunha viaxe musical a través do folclore, dende a idade media ata os nosos tempos. Poderanse escoitar dende cantigas de Santa María de Alfonso X, música tradicional inglesa do laudista John Dowland, danzas escocesas, muiñeiras así como repertorio galego máis recente… toda esta música interpretada con unha sonoridade clásica, propia da orquestra de corda.
A Oquestra de Cámara Lug será dirixida por Manuel Fernández Gayol, director do Centro de Música Glissando.
A entrada será libre e gratuita
