Concerto didáctico «Instrumentos populares galegos hoxe»
Concerto didáctico «Instrumentos populares galegos hoxe»
De Suso Vaamonde
Mércores 08 de abril de 2026
Dous pases: 16:00 e 18:00 horas
Auditorio do CMUS Xoán Montes
Para divulgar e dar a coñecer os instrumentos máis importantes da tradición musical popular galega, Suso Vaamonde está a ofertar unha serie de concertos didácticos, enfocados, especialmente, a rapaces de primaria, secundaria e infantil, onde se amosan instrumentos tan representarivos como a zanfona, a requinta, o pandeiro, a pandeira e a pandeireta, e a gaita. E tamén outros menos coñecidos coma o charrasco, a trompa, o asubío, as tarrañolas…
O concerto didáctico consiste en explicar o mecanismo, funcionamento, partes e técnica interpretativa de todos estos instrumentos. Para elo, e para facilitar a mellor comprensión dos asistentes, o mestre, Suso Vaamonde, abrirá os instrumentos por dentro para amosarlle ao público as partes, materiais, formas e tamaños dos mesmos. A continuación interpretará algún tema popular para escoitar o son natural de cada instrumento. Pero neste intre, o alumno xa entende como soa así e porqué.
+ info: https://cmusxoanmontes.gal/
