Teatro «Do reino (e) dos amores proscritos»
Teatro «Do reino (e) dos amores proscritos»
Alóproducións
Xoves, 14 de maio de 2026 20:30 hs.
Lugar: Auditorio Municipal Gustavo Freire
Idade recomendada: A partir dos 12 anos
Sinopse:
Xoguete teatral “vintage” contemporáneo, que propón unha viaxe ao Reino de Galiza, na Idade Media, desde os primeiros asentamentos humanos, a lenda celta, dos castros aos castelos, coa Gallaecia romana polo medio. Unha viaxe lúdica e festiva, desde a perspectiva de artistas (trobadores, xograres, soldadeiras), mulleres (raíñas) e vidas e historias LGBT.
Un espectáculo contemporáneo para evocar aquela época, na que se encontran os fundamentos de boa parte da nosa cultura. Un reino e uns amores proscritos da historia oficial, durante moito tempo. Unha viaxe fascinante a través do xogo teatral e da música medieval, interpretada en directo con instrumentos de época e co tesouro das nosas cantigas.
Espectáculo premiado no III Certame Fondos Culturais Reino de Galicia, Deputación da Coruña.
