Acto institucional de nomeamento de Xoán Montes Capón como Fillo Predilecto de Lugo

Acto institucional de nomeamento de Xoán Montes Capón como Fillo Predilecto de Lugo  coincidindo coa tradicional homenaxe
ao compositor lucense por parte do Orfeón que leva o seu nome.

Mércores, 24 de xuño, ás 20.00 horas no Círculo das Artes

Con esta distinción, Lugo rende homenaxe a un músico que deixou unha pegada imborrable na vida cultural da cidade e cuxo legado continúa vivo máis dun século despois da súa morte.

Compositor, organista da Catedral de Lugo, fundador do primeiro coro da cidade, impulsor da Banda Municipal e pianista do Círculo das Artes, Xoán Montes é considerado unha das personalidades máis destacadas da música galega do século XIX e un dos grandes embaixadores culturais de Lugo.

A programación incluirá tamén as actuacións da agrupación de música tradicional Son de Lugh e da Banda Filarmónica de Lugo, que
servirán de antesala a unha celebración que concluirá coa interpretación a cargo do Orfeón Xoan Montes da peza de Negra Sombra,
unha das composicións máis coñecidas e emblemáticas do músico lucense.

O nomeamento como Fillo Predilecto responde á iniciativa promovida pola Asociación Orfeón Xoán Montes e conta co respaldo unánime da
Corporación municipal, que recoñeceu deste xeito a extraordinaria contribución do compositor á historia cultural de Lugo.