Cargando Eventos

« Todos los Eventos

Conferencia sobre o pensamento crítico na era dixital

19 de noviembre - 18:00

 A UNED de Lugo súmase á conmemoración do Día Mundial da Filosofía coa conferencia «Filosofía cotiá nun mundo tecnolóxico», que terá lugar o próximo xoves, 19 de novembro, ás 18:00 horas, no Salón de Actos José Luis Prieto Arroyo do centro universitario.

A actividade, impartida por José P. Bonal Gil, graduado en Filosofía e consultor filosófico especializado en investigación, docencia e asesoramento, propón unha reflexión sobre o papel da filosofía nunha sociedade cada vez máis condicionada pola tecnoloxía, a dixitalización e a intelixencia artificial.

Nun contexto marcado pola inmediatez da información, a proliferación de contidos dixitais e a transformación das formas de comunicarnos e relacionarnos, a conferencia reivindicará a importancia do pensamento crítico, a capacidade de cuestionar o que damos por sentado e a necesidade de desenvolver un criterio propio.

Lonxe de ofrecer respostas simples a problemas complexos, o encontro convidará a formular preguntas sobre a realidade contemporánea, a responsabilidade individual e colectiva e o lugar que ocupa a reflexión filosófica na vida cotiá.

Con esta iniciativa, a UNED de Lugo reforza o seu compromiso coa divulgación do coñecemento e coa creación de espazos de diálogo abertos á sociedade, achegando a filosofía aos grandes retos do noso tempo.

A conferencia é gratuíta e está aberta a todas as persoas interesadas, que poderán participar presencialmente ou seguir a actividade en liña, tanto en directo como en diferido.

As inscricións poden realizarse a través da plataforma de Extensión Universitaria da UNED:

https://extension.uned.es/inscripcion/idactividad/56735

Detalles

  • Fecha: 19 de noviembre
  • Hora:
    18:00
  • Categoría de Evento:

Recinto