O Vello Cárcere – Exposición “Realidade Interior” de Manuel Suárez ata o 27 de Marzo
O artista coruñés Manuel Suárez mostra en «Realidade Interior» 36 obras en diversos formatos e técnicas que son froito dun proceso creativo marcado pola introspección, a experimentación e a materia.
Manuel Suárez afonda nas súas vivencias e no seu propio sentir, e plasma esta ‘realidade interior’ dun xeito intuitivo e intimista en diferentes series que artellan a mostra en bloques cromáticos.
Emprega diferentes materiais coma lenzo, madeira, cartón e outros soportes de refugallo que converte en medios de expresión en sí mesmos, creando atmosferas envolventes e volumes orgánicos.
Realidade Interior de Manuel Suárez permanecerá no primeiro andar do panóptico de O Vello Cárcere ata o 27 de marzo de 2022.
