Teatro – A metamorfose
Teatro – A metamorfose
Sarabela Teatro
Xoves, 19 de febreiro de 2026 – 20:30 hs. – Auditorio Municipal Gustavo Freire
Idade recomendada: A partir dos 12 anos
Sinopse:
A Metamorfose é a máis célebre novela de Franz Kafka e unha das máis importantes de toda a historia da literatura. (Lectura obrigatoria en 4º da ESO).
Sen a menor cerimonia, o texto coloca o lector diante do famoso Gregor Samsa, transformado en insecto monstruoso. A partir de aí, a historia é narrada cun realismo inesperado que asocia o inverosímil e o sentido de humor ao que é tráxico, grotesco e cruel na condición humana – todo no estilo transparente e perfecto dese mestre inconfundible da ficción universal.
Rescataremos na versión escénica de Carlos Álvarez Osorio a dimensión cómica, grotesca do texto, que ocasionalmente desemboca no hilarante “slapstick”.
Que pasa cando lle quitamos a categoría de humano a un ser humano? Se non son seres humanos, entón, que son? Bechos? Insectos?
A metamorfose mostra a necesidade do ser humano de ser recoñecido, valorado e amado polo que é, non polo que produce ou achega.
ENTRADAS:
Adquisición de entradas a través do portal web entradaslugo.es e na Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.
Programación do Auditorio Gustavo Freire no primeiro semestre do 2026
