Encontro Fotográfico con Carlos Folgoso
A Asociación Fotográfica Maruja Roca, comprácese en anunciar, dentro das actividades de difusión da cultura fotográfica #MedrandoOlladaFotográfica26, unha Charla fotográfica con Carlos Folgoso Sueiro.
Data: 22 de Maio de 2026 de 17:00 a 19:00hr
Lugar no Centro Cultural O Vello Cárcere de Lugo
Entrada gratuíta.
Carlos Folgoso Sueiro
Fotógrafo documental e artístico galeguista, nado en Verín (Ourense) en 1982, que nos últimos anos acadou un considerable recoñecemento internacional polo seu traballo tan persoal sobre Galicia e Siberia. O seu estilo mestura fotoxornalismo, paisaxe, simbolismo e unha atmosfera cinematográfica.
Comezou a súa carreira traballando en prensa internacional e fotoxornalismo. Viviu durante anos en Italia e tamén traballou en Rusia, publicando imaxes en medios como National Geographic, Vanity Fair, Der Spiegel e The Sunday Times. Cubriu temas complexos como a crise migratoria de Lampedusa, conflitos sociais e acontecementos políticos europeos.
Un dos seus proxectos máis coñecidos é "Shining Land", centrado en Yakutia (Siberia), onde documentou a vida arredor das minas de diamantes en condicións extremas. Este traballo retrata o impacto humano e social da minería en cidades illadas do Ártico ruso.
Pero o proxecto que lle deu máis notoriedade recentemente é "Alén do lago". Trátase dunha serie sobre a Galicia rural, a memoria, a emigración, os incendios, as aldeas abandonadas e a identidade gallega. Ten un ton poético e escuro, case entre o documental e a lenda.
Con esta obra gañou o XII Premio Galicia de Fotografía Contemporánea en 2024. Ademais, a serie foi seleccionada para os Premios Sony World Photography 2025 e foi exposta en lugares como o Museo do Hermitage de San Petersburgo, Londres e Nova York.
Asociación Fotográfica Maruja Roca
Fundada no 2024, con sede en Lugo, ten como obxectivo principal o fomento, promoción e divulgación da fotografía, imaxe e vídeo en toda as súas variantes. A través de actividades culturais e lúdicas, busca promover a participación e formación tanto dos seus socios como de todas aquelas persoas interesadas en mergullarse na fotografía. Igualmente busca poñer en valor a figura de Maruja Roca, unha das poucas mulleres en exercer o oficio de fotógrafa na Galicia da posguerra.
Sitio web: https://afmarujaroca.com/
Redes Sociais: https://www.instagram.com/afmarujaroca/
