Tivo lugar no MIHL a entrega de premios do certame de Microrrelatos: «Namorado», de María Fernanda Arrojo resultou o relato gañador do primeiro premio, valorado en 150€. No segundo lugar, con 100€ de premio, situouse «Vímolo», de Lucero Robles. O último relato premiado, con 50€, foi «Catorce meses e dez días», de Laura Ferreira Freire. Tódolos premios consistiron en vales para usar en librarías locais.
O xurado, formado por Beatriz Dourado, Lois Pérez e Marcos López escolleu aos tres relatos gañadores de entre as 42 obras presentadas.
A concelleira de Cultura, Maite Ferreiro, destacou na entrega de premios «a creatividade das persoas que ano tras ano deciden presentarse a este certame».
