Concerto de Son de Corda

Concerto de Son de Corda

Lugo acolle o venres o primeiro concerto do ciclo “Na casa deles”, cun repertorio baseado en poemas de seis autores lucenses: Manuel María, Álvaro Cunqueiro, Uxío Novoneyra, Lorenzo Varela, Luis Pimentel e Darío Xohan Cabana.

O cuarteto Son de Corda está formado por Esperanza Iglesias (soprano),
Carmen Prendes (contralto),  Fernando G. Jácome (tenor) e Antón Castro
(baixo)

Os concertos forman parte do proxecto “Na casa deles..”, que conta coa colaboración da Asociación de Escritoras e Escritores en Lingua Galega (AELG) e que incluíu tamén a gravación de  curtas sobre cada un dos autores.

As pezas audiovisuais proxectaranse durante as actuacións. O proxecto terá continuidade o vindeiro ano con “Na casa delas”, con cancións de mulleres poetas luguesas.

O cuarteto vocal Son de Corda actuará tamén en:

28 de outubro
Casa Museo Uxío Novoneyra. Parada do Courel.

28 de outubro
Centro Sociocultural de Monterroso

18 de novembro
Casa Museo Manuel María. Outeiro de Rei

22 de decembro
Auditorio de Mondoñedo.