Proxección dos filmes ‘Río de Sombras’ e ‘La tragedia de Xirobio’

O Club Cultural Valle-Inclán proxectará os filmes ‘Río de sombras’ de Daniel Domínguez (España, 1986, 21 mn), baseado nun conto de José Luis Méndez Ferrín e ‘La tragedia de Xirobio’ de José Signo (España, 1930, 44 mn) de José Signo, unha adaptación libre dunha das narracións do libro ‘Cousas’ de Alfonso R. Castelao, o mércores 27 de novembro, ás 19.30 h, no Salón de Actos da Casa do Saber do campus de Lugo.

La tragedia de Xirobio é a primeira longametraxe de ficción de produción galega. Foi dirixida polo periodista José Signo Garcés e rodada integramente en Vigo en 1930.

Entrada libre e de balde para socios do Club Cultural Valle-Inclán e comunidade universitaria. Resto do público 2€, cota proporcional de socio.

Estas proxeccións están incluídas dentro da programación do Outono Cultural e realízanse coa axuda da Xunta de Galicia, en colaboración coa Filmoteca de Galicia.