Teatro «Dicha y desdicha del juego y devoción de la Virgen»

Idade recomendada: A partir dos 15 anos

Sinopse:

O Demo e a Virxe, inmortais ludópatas, xogan a salvación ou condea da humanidade. As protagonistas da súa partida son María, Felisardo, Violante e Fadrique, dúas parellas amorosas que terían que xogalo todo tamén para vencer os obstáculos (a honra, a ambición, a autoridade dos pais, a inconstancia e o desexo de vinganza), salvarse e alcanzar os seus desexos.

Unha posta en escena lúdica e fresca dunha obra nunca antes representada con tres actores/actrices que xogan a ser nove personaxes sobre un taboleiro teatral, dados, fichas, marionetas, humor, azar e música ao servizo da visión iconoclasta e modernísima da autora portuguesa do século XVII, Ângela de Azevedo. Non vai máis!

ENTRADAS

Adquisición de entradas a través do portal web entradaslugo.es e na Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.