Concerto da zanfonista Bea Peña
Os días 19 e 20 de setembro terán lugar os primeiros actos do ciclo “Zanfona é feminino”, organizados co apoio da Área de Artesanía e Deseño da Vicepresidencia da Deputación de Lugo.
Unha iniciativa que reivindica o papel das mulleres na historia da zanfona e da música e que busca poñer en valor o seu legado.
O ciclo achega a Lugo o traballo da cantante e zanfonista Bea Peña, especialista en música medieval, e do ensemble Entrebescant. Presentan “El cantar del destierro”, un programa no que a música medieval e a música de tradición oral, dialogan nunha reflexión sobre o territorio, a memoria e o despoboamento.
O concerto terá lugar o sábado 19, ás 20 horas, na Capela de Santa María. O acceso será gratuíto ata completar a súa capacidade.
Ao día seguinte, o domingo 20, Peña impartirá un curso de aproximación teórica e práctica ao repertorio medieval da península ibérica e ás súas posibilidades de interpretación con zanfona, afondando nas características que permiten adaptar as obras ao instrumento. O
obradoiro, de carácter gratuíto, require de inscrición previa no correo electrónico info.centrad@deputacionlugo.or
Reivindicar o legado das mulleres
A zanfona é un instrumento profundamente vencellado a cultura galega, porén ao longo da historia o papel das mulleres como creadoras e
intérpretes foi frecuentemente invisibilizado, malia existir documentación e representación da súa presenza ao longo dos séculos.
O ciclo “Zanfona é feminino” nace, precisamente, coa vontade de recuperar e reivindicar esta memoria, visibilizando as achegas das
mulleres á historia da zanfona.
