A Camerata OSG inaugurará a tempada de concertos da Sociedade Filharmónica de Lugo o mércores, 28 de outubro. Fundada en 2013 por Wladimir Rosinskij —director, violista e compositor—, esta agrupación estable está composta por músicos das seccións de corda da Orquestra Sinfónica de Galicia.
28 de outubro 2026 – Círculo das Artes – 20:00 h  

Camerata OSG (Orquestra Sinfónica de Galicia)

Wladimir Rosinskij, director  

Solistas: Regina Laza, violín /Ruslana Prokopenko, cello / Dasha Rosinskij-Prokopenko, piano

PROGRAMA

  • Jan Sibelius: Impromptu para cordas, Op. 5 

  • Johann Sebastian Bach: Concerto núm. 1 para piano e cordas en re menor, BWV 1052

  • Gyula Beliczay: Serenata para cordas, Op. 36

  • Otar Taktakischvilli: Aria (desde Sonata para frauta e piano en do maior, arranxo para violín e cordas)

  • Wladimir Rosinskij: Elexía e baile para cello, piano e cordas (2022)

Camerata OSG (Orquestra Sinfónica de Galicia)
Formada en 2013, polo viola e compositor Wladimir Rosinskij, é unha formación estable composta por integrantes das seccións de cordas da Orquestra Sinfónica de Galicia, entre eles algúns dos seus primeiros atrís.
 
A Camerata OSG naceu co firme propósito de difundir obras para pequena orquestra de cámara intentando abarcar un repertorio o máis ecléctico posible.
Wladimir Rosinskij
Director de orixe rusa e nacionalidade austríaca, obtivo diploma de honra na Academia Musical de Krasnojarsk en 1986.
 
Entre 1986 e 1995 estudou na Hochschule fur Musik de Viena con W. Klos (viola) e E. Urbanner (composición), período no que obtivo o primeiro premio en Kompositions-Wettberg im Rahmen des 10, Wiener Sommer-Seminars para novas músicas e o Forderungspreis do Bundeskanzleramt de Austria para compositores.
 
Como director traballou con orquestras como a Kammerorchester Arpeggione Hohenems, Ensemble Plus (Austria), Orquestra de Cámara da Sinfónica de Galicia, Ensemble s21, Grupo Instrumental Siglo XX, Orquestra de Cámara de Odessa (Ucraína), Orquestra de Cámara de Astrakhan (Rusia), etc. A súa obra foi estreada en salas da relevancia do Musikverein e Concerthaus (Viena), Auditorio Nacional (Madrid), Filharmoníe de Munchen, Auditorio de Tenerife, Palacio da Ópera (A Coruña), Auditorio de Galicia (Santiago), Festspielhaus (Bregenz), Odessa Filharmonie, etc., con directores como Gianandrea Noseda, Josep Pons, Tuomas Olilla, Christoh Eberle, Gerard Korsten e interpretadas por solistas da altura de Hansjjorg Schellenberger, Frank Stadler, David Quiggle, Jensen Lam, Vasill Marian e orquestras como a Wienerkammerorchester, Orquestra Nacional de España, Sinfónica de Galicia, Sinfónica de Tenerife, Vorarlberg Symphonie Orchester, Orchester der Academie St. Blasius (Innsbruck).
ENTRADAS:

As persoas interesadas en adquirir o abono de tempada ou facerse socias da Sociedad Filarmónica pódeno facer escribindo ao correo electrónico filarmonicadelugo@gmail.com (Cuota mensual socios: 12€)

As entradas para non socios (20 € ), para os concertos soltos, poderanse adquirir o mesmo día da actuación nas oficinas do Círculo das Artes. Tamén haberá entradas para estudantes a prezo moi reducido (5€) e entrada de balde para menores de idade e estudantes do Conservatorio.

+ INFO EN: filarmonicadelugo.com

Artículos relacionadosMás del autor