Festival de Jazz de Lugo 2026, concertos de MØrrajäss e Irati Bilbao Sextet

MØRRAJÄSS é a evolución dun cuarteto que viaxa. Que se move no espazo e no tempo. Que se afasta do convencional.

MØRRAJÄSS nace da amizade. MØRRAJÄSS cre na improvisación. MØRRAJÄSS non veu tocar, veu romper o silenzo.

O universo é demasiado grande como para continuar a soar sempre igual.

Aclamada pola crítica, Irati Bilbao (Durango, 1992) consolidouse nos últimos cinco anos como unha das voces máis fascinantes e destacadas da escena do jazz vasco.

Tras unha longa espera de catro anos, a cantante de jazz de Durango presenta Bloom, un disco que supera as expectativas xeradas polo seu predecesor, Begin.

Trátase dunha obra máis madura e persoal que reflicte a súa evolución como artista. A cantante biscaíña estará acompañada por un quinteto de luxo formado por Aitor Bravo á batería, Mikel Núñez ao piano, Fran Serrano ao contrabaixo, Álvaro Zarzuela ao trombón e Xabier Arriola á trompeta e ao fliscorno.

O seu repertorio transita con mestría polo ámbito do jazz clásico —poñendo en primeiro plano a improvisación e o scat—, ao tempo que integra outros elementos e influencias; así, temas compostos pola propia Bilbao, cun son máis moderno e contemporáneo, conviven e compleméntanse á perfección cos estándares clásicos.

ENTRADAS – Woutick-