Programa da Mostra de Teatro Clásico de Lugo 2022

A Área de Cultura, Turismo e Promoción da lingua presenta unha nova edición da Mostra de Teatro Clasico de Lugo, e con esta xa van XXII edicións. Durante
este mes de marzo, dende o día 11 até o 27, teremos unha nova oportunidade para gozar coas mellores propostas de teatro clásico na nosa cidade. 

Trátase dunha programación especial, extensa, de calidade e para todos os públicos, concentrada no tempo para facer así máis doada a súa afluencia e a publicidade e difusión da mesma.

Nesta vixésima segunda edición son 12 as obras que se representarán. 3 obras máis que na pasada edición e recuperando a rúa e e espazos singulares
como o Vello Cárcere como lugares de representación, ainda que o groso da Mostra será no Auditorio Municipal Gustavo Freire.

Cabe destacar tamén, que sendo abundante a produción de clásico hai unha aposta por aquelas compañías galegas que se atreveron neste pasado ano a producir obras clásicas, de compañías tan solventes e de traxectoria contrastada como Voadora e outras que chegan a Lugo baixo o paraguas do Centro Dramático Galego (CDG) como no caso de “Arte sen guión”, un espectáculo de improvisación.

Tamén nesa edición hai teatro na rúa con “Quen ocupa esa cadeira” e no Vello Cárcere con “El perro mutante del hortelano”, sendo os dous espectáculos
gratuitos e este último celebrarse en dous pases.

As outras pezas que se representaran nesta mostra veñen abaladas por éxito de crítica e público en diversos Festivais do estado español ou comezan a súa
andaina na mostra lucense. 

Programan dúas pezas de teatro familiar para achegar o teatro clásico aos máis pequenos con “Fuenteovejuna” unha adaptación de Sol y Tierra da historia do Comendador de Ocaña para os máis pequenos e pequenas e cun “Pulgarcito”, unha das obras cumbre do Barroco que representará para toda a familia unha das compañias máis premiadas do teatro para a infancia e compañia premio nacional de teatro: Teatro Paraíso.

Outras das obras “Lázaro” e “Othello” contan coa colaboración da AGADIC.

En definitiva, Alfred Jarry, Shakespeare, Perrault, Quevedo ou Lope de Vega estarán representados nesta nova edición baixo moi diferentes prismas; Dende
un “Lázaro” cantado en base de rap, pasando polo teatro fisico e clown de “El Busclown”, as adaptacións transgresoras e modernas e diversas de
Shakespeare en “Othello” e “Macbeth” ou a improvisación de “Arte sen guión”. 

Unha mostra actual, unha programación diversa e para todos os públicos. Unha mostra de diferentes xeitos de afrontar os clásicos e traelos á modernidade. Un luxo para a cidade.

BONOS E ENTRADAS

Como sempre as entradas individuais e bonos poderán adquirirse en entradaslugo.es, na Oficina de Turismo ou no propio auditorio os días de función.

BONOS 8 REPRESENTACIÓNS (A obra Quixote para público familiar non entra no Bono).
ZONA: 35 €
ENTRADAS
ZONA A: 8 €
ZONA B: 6 €
* desconto do 37,5 % para persoas en paro, menores de 30 anos, pensionistas e actores e
actrices asociados á AAAG:
ZONA A: 5 €
ZONA B: 3,75 €

As obras de público familiar, “Fuenteovejuna” e “Pulgarcito”, van ter un prezo único de 5 € e non entrarán nos bonos.
A obra “El perro mutante del hortelano” non precisa entrada, accederase por orde de chegada ao Vello Cárcere.
A obra “Quen ocupa esa cadeira”, non precisa entrada ao ser un espectáculo de rúa, se chove e finalmente realizase no Vello Cárcere, o acceso á representación será por orde decegada.