Programación de Nadal no Museo Universitario A Domus do Mitreo en Lugo
A actividade dirixida a todos os públicos desenvolverase os días 27e 28 de decembro, así como o 3 e o 4 xaneiro
Baixo o lema ‘Os segredos na Domus’, desenvolverase unha actividade que consistirá en coñecer os segredos deste espazo emblemático para a USC e a cidade de Lugo a través dunha visita guiada dirixida a todos os públicos.
O acceso a este taller será de balde coa adquisición da entrada ao Museo.
Tal e como explica a directora da Domus, Dolores Dopico, “antes da visita guiada as persoas asistentes terán que descubrir unha serie de enigmas que lles serán propostos” no marco desta iniciativa cultural pero tamén lúdica que terá lugar os días 27 e 28 de decembro, así como o 3 e o 4 xaneiro, ás 11.30 horas. O taller ten unha duración de 35 minutos.
Para participar nesta actividade é preciso formalizar a reserva no teléfono 610 323 926 (de martes a venres de 11.00 a 14.00 horas) ou a través do enderezo electrónico museomitreo.lugo@fundacionusc.gal
