- Este evento ha pasado.
(Comeza ás 11:00) Charla fotográfica con María Meseguer
ATENCIÓN COMEZA ÁS 11:00
Charla fotográfica con María Meseguer
Detrás da cámara
Sábado 9 de maio de 2026 – De 10.30 a 13.30h -Centro Cultural O Vello Cárcere, Lugo
Entrada gratuíta.
Organiza: Asociación Fotográfica Maruja Roca
Maria Meseguer Alcain é unha recoñecida fotógrafa no ámbito nacional.
Naceu en Madrid en 1966.
Estudou Imaxe e Son na Universidade Complutense de Madrid e logo fotografía no International Center of Photography (ICP) en Nova York, onde tivo profesores como Nan Goldin e Mary Ellen Mark.
Ao regresar a Madrid, traballou como fotógrafa na Residencia de Estudantes e asistiu a Rafael Roa e Manuel Zambrana.
Involucrouse na comunidade fotográfica madrileña a través da asociación O Caballito.
En ARCO, traballou na Galería VISOR e na edición do 98 colaborou con Javier Campano e Luís Bailón, retratando a galeristas, coleccionistas e comisarios.
Participou na VIII Tarazona Foto e traballou como asistente de Alberto García-Alix, Eduardo
Momeñe e Valentín Sama.
En PHE’00, presentou o seu traballo «Diario» no Círculo de Belas Artes de Madrid. Traballou en Galicia para institucións como o MAC, a Fundación Seoane, GAIÁS e no Festival de Cinema Periférico (S8), entre outros.
Expuxo o seu traballo na Casa de América, Ateneo e Canal de Isabel II en Madrid e
Galería Visor en Valencia. En Galicia, inaugurou exposicións na Sala Palexco,
Asociación Alexandre Bóveda, Casa de Cultura Salvador de Madariaga, Museo
Municipal de Ourense, Galería Trinta e Museo Gaiás entre outros.
A súa traxectoria reflicte un compromiso constante coa fotografía e unha exploración continua de novas formas de expresión visual.
A Asociación Fotográfica Maruja Roca fundada este 2024, con sede en Lugo, ten como
obxectivo principal o fomento, promoción e divulgación da fotografía, imaxe e vídeo en toda as súas variantes.
A través de actividades culturais e lúdicas, busca promover a participación e formación tanto dos seus socios como de todas aquelas persoas interesadas en mergullarse na fotografía.
Igualmente busca poñer en valor a figura de Maruja Roca, unha das poucas mulleres en exercer o oficio de fotógrafa na Galicia da posguerra.
