Conferencia ‘Manifestacións relixiosas das mulleres no Noroeste hispano’
A profesora xubilada da Universidade do País Vasco Mª Cruz González Rodríguez pronuncia o xoves 27 a conferencia ‘Manifestacións relixiosas das mulleres no Noroeste hispano’. Será ás 19.00 horas na Casa do Saber de Lugo.
Na conferencia analizará analizará o papel da muller na epigrafía relixiosa do noroeste hispano.
Prestarase atención aos aspectos relacionados coas preferencias cultuais das mulleres para descubrir se existen ou non diferenzas con respecto ás predileccións por unhas ou outras divindades segundo o xénero dos dedicantes.
Así mesmo, valorará o papel da relixión como medio de visibilizar o colectivo feminino en época romana.
A conferenciante
Catedrática xubilada, a profesora González centra as súas investigacións no estudo das sociedades provinciais occidentais e a súa integración no imperio romano con especial atención ás transformacións producidas tras a conquista nas estruturas sociais indíxenas e nos cultos locais.
O estudio dos cultos “indíxenas” e as súas transformacións desenvolveuse en tres proxectos de Investigación de I+D+i dos que foi investigadora principal, financiados polo Ministerio de Ciencia e Innovación.
Foi ademais membro do equipo de investigación que está levando a cabo o proxecto europeo F.E.R.C.AN. (Fontes Epigraphicae Religionis Celticae Antiquae = www.oeaw.ac.at/praehist/fercan/fercan.html) financiado pola Österreichische Akademie der Wissenschaften e cuxo coordinador é Manfred Hainzmann, da Universidade de Graz.
Mª Cruz González Rodríguez ten tres libros publicados e máis dun centenar de artigos e capítulos de libros.
NOVAS RECOMENDADAS
O MÁIS VISTO
QUEN SOMOS
Somos a axenda cultural de Lugo e o medio dixital onde enterarte de tódolos eventos culturais e de ocio da cidade: concertos, teatro, exposicións, cine, espectáculos, presentación de libros, danza…
Contacta: vivalugo@vivalugo.es
SÍGUENOS
© 2018 Viva Lugo | Deseño web feito co ♡ por El cielo del norte