Inauguración da exposición «Gardiáns» sobre as razas autóctonas de Galicia

Inauguración da exposición «Gardiáns» sobre as razas autóctonas de Galicia

Venres 26 no Vello Cárcere de Lugo ás 18:00 h.

Con Jorge Arévalo, autor da mostra, xunto a poetisa Olga Novo, membros da
Fundación Legar e representantes institucionais da Deputación e do Concello de Lugo.

O traballo fotográfico e audiovisual elaborado por Jorge Arévalo poderá visitarse ata o 12 de outubro.

A mostra reúne 71 imaxes e 2 vídeos que retratan diferentes razas galegas e a súa estreita vinculación co territorio.

Nas fotografías recóllense as cinco razas de vacas en perigo de extinción —Cachena, Caldelá, Frieiresa, Limiá e Vianesa—, así como a Ovella Galega, a Cabra Galega e a
Galiña de Mos.

Cada imaxe está identificada co nome do animal e coa aldea na que foi realizada.

Arévalo, que habita entre Quiroga e O Courel, leva tempo practicando a fotografía con
animais.

Dende o 2019 traballa nesta idea de retratar ás razas autóctonas que se crían nas aldeas galegas.

Dende hai un ano, xurdiu a colaboración coa Federación de Razas Autóctonas de Galicia (Boaga) e tamén coa Vicepresidencia da Deputación de Lugo para materializar este proxecto.

A exposición poderá visitarse ata o 12 de outubro, no horario habitual de apertura do
Vello Cárcere: de 11:00 h a 14:00 h pola mañá e de 16:00 h a 20:00 h pola tarde.