Inauguración da mostra «A inviabilidade do amor» de AiiCi
O mércores dia 6 de maio ás 20:00h terá lugar a en O Vello Cárcere de Lugo, a inauguración da mostra “A inviabilidade do amor”; primeira mostra individual de AiiCi (Aitana Civeira).
Poderá visitarse até o 31 de maio nas celas de mulleres, planta baixa.
A mostra “A inviabilidade do amor” é unha inmersión na loita interna e na transformación emocional da artista AiiCi.
Nada dunha experiencia persoal de amor interrompido, esta mostra explora a progresión do dó: perda, dor, angustia, trauma, aceptación…
As once pezas que conforman esta exposición temporal están cargadas de cores, contrastes e emocións, invitándonos a percorrer o proceso íntimo de AiiCi.
No pasado mes de novembro a artista, con tan só 17 anos, foi seleccionada na prestixiosa Bienal do Eixo Atlántico (que este ano celebra a súa XV edición), por ende a súa obra “Silenzo, agonía e saída” é unha das 28 que conforman a expo colectiva itinerante que comezou a súa andaina en Viana do Castelo e rematará en Carballo no mes de decembro (Este mes pode verse en Ribeira, en Xuño en Vilalba e en Setembro en Monforte, entre outras cidades).
