Introdución ao barre
A UNED de Lugo, organiza o día 09 de abril ás 18:00h no seu centro, a actividade “Introdución ao barre”, unha proposta innovadora que combina exercicio físico e benestar, enmarcada no programa ODS en Acción.
O barre é unha disciplina que fusiona elementos do ballet, o pilates e o adestramento funcional, centrada no control corporal, a postura e a conexión mente-corpo.
A sesión, impartida por Marta Fernández de Mart.studio, comezará cunha breve introdución ao barre. A continuación, realizarase unha clase de demostración na que as persoas participantes poderán probar algúns dos exercicios característicos desta práctica.
A sesión rematará con estiramentos e unha breve relaxación para favorecer a recuperación e o benestar corporal.
Esta iniciativa sitúase no contexto da conmemoración do Día Internacional da Saúde, establecendo unha ligazón directa co Obxectivo de Desenvolvemento Sostible 3 (ODS 3): Saúde e Benestar.
Con isto, a UNED reforza o seu compromiso coa promoción de hábitos de vida saudables e coa concienciación sobre a importancia do coidado integral da saúde.
Con accións como esta, a Oficina Verde da UNED continúa a desenvolver iniciativas que conectan os Obxectivos de Desenvolvemento Sostible coa vida cotiá, achegando á cidadanía propostas prácticas para contribuír a un futuro máis saudable e sostible.
Para máis información e inscricións, as persoas interesadas poden consultar a seguinte ligazón: https://extension.uned.es/actividad/51699
