- Este evento ha pasado.
LugoPoética 2025 con Manuel Regal e Xosé Antón Miguélez
13 de noviembre - 18:30
LugoPoética 2025 con Manuel Regal e Xosé Antón Miguélez
O mércores 13 de novembro ás 18:30 horas na sede da UNED Lugo ou online.
Ambos os autores, con fondas raíces na provincia de Lugo, representan dúas voces singulares da poesía galega contemporánea, marcadas polo compromiso espiritual, humano e rural.
Manuel Regal Ledo (Chantada, 1947)
Licenciado en teoloxía bíblica pola Universidade de Deusto, foi monxe en Samos, párroco en Abadín e educador-terapeuta de drogodependentes en Proxecto Home.
Actualmente é delegado de Pastoral Rural na diocese de Mondoñedo-Ferrol.
A súa obra poética reflicte o vínculo entre a fe, o mundo rural e a natureza, ámbitos que conforman o núcleo do seu universo literario.
Xosé Antón Miguélez (Lugo, 1946)
Tamén ligado á Mariña lucense, é crego en Lourenzá e Abadín.
A súa traxectoria poética está profundamente vencellada á espiritualidade e á liturxia galega, con medio cento de himnos publicados no Diurnal da Liturxia das Horas en galego.
Entre as súas obras máis destacadas figuran Os ríos pasan cheos de Deus (2007) e Oda a Xesús Cristo. Credo e Camiño (2020).
Este novo encontro de LugoPoética 2025 continúa o percorrido do ciclo por voces que integran poesía, pensamento e identidade, consolidando a proposta como un referente cultural que une creación literaria e territorio.
O ciclo LugoPoética 2025 está organizado por Egeria en colaboración coa UNED Lugo e a Xunta de Galicia.
NOVAS RECOMENDADAS
O MÁIS VISTO
QUEN SOMOS
Somos a axenda cultural de Lugo e o medio dixital onde enterarte de tódolos eventos culturais e de ocio da cidade: concertos, teatro, exposicións, cine, espectáculos, presentación de libros, danza…
Contacta: vivalugo@vivalugo.es
SÍGUENOS
© 2018 Viva Lugo | Deseño web feito co ♡ por El cielo del norte