Presentación do libro «José Ramón González Pérez. Alborada en Vilaquinte»

Presentación do libro «José Ramón González Pérez. Alborada en Vilaquinte»

Venres día 25 de abril – Salón de Actos da Deputación de Lugo ás 20:00

Falarán no acto Norberto Pablo Cirio, autor do libro, Iria Castro Fernández, Deputada
de Cultura da Deputación de Lugo e Ramon Pinheiro, editor de aCentral Folque.

Coa participación de Serxio Cobos na gaita e Iván Abal na zanfona.

Sobre o libro

Pode un home transformarse en música? Este libro narra a novelesca vida de José Ramón González Pérez (1913-2007).

Nacido en Cuba, pastor nos Ancares galegos e un destacado membro dunha estirpe de músicos documentada desde comezos do s. XIX, a dos Gaiteiros do Bodego . “Fuxido” pola súa lealdade á República durante a Guerra Civil, “recrutado forzoso” ás ordes de fascistas e nazis, emigrante na Arxentina en 1949 coa súa compañeira, Dorinda, e coa súa primoxénita, Amelia.

Durante os 58 anos e medio nos que viviu alí, fixo da arte da gaita un modo de existencia que lle permitiu sortear certas desgrazas e seguir conectado con todo o que amaba, até o punto —en palabras do seu biógrafo, o musicólogo arxentino Norberto Pablo Cirio— de transmutar a súa corporeidade ao instrumento.

Inclúese un CD cunha selección de gravacións de extraordinario valor musical e histórico, que inclúe as interpretacións que José Ramón enviou por medio de cartas sonoras a familiares e amigos a través do océano durante medio século.

Axenda Cultural de Lugo.

www.vivalugo.es

https://www.facebook.com/vivalugo

https://www.instagram.com/vivalugo/

https://x.com/viva_lugo