Presentación do libro «Maldita eternidade»

Presentación do libro «Maldita eternidade»

Xoves 24 de abril ás 19 horas no Vello Cárcere

De Manuel Vázquez, poeta e novelista nado no Albar, Valonga (Pol), e residente en Lugo.

Libro gañador da VI edición do Premio Eduardo Pondal (No mesmo evento a Editorial Medulia, a convocante, entregará oficialmente o citado premio.)

Maldita eternidade é un feixe de versos dun poeta de liña tersa, firme, ao tempo dorida e tenra, que sitúa no centro de gravidade desta súa obra a marxinación, o malditismo e a contracultura, coa soidade sempre presente no mundo urbano e a aparición do desengano como froito amargo da experiencia vital.

“E nacemos,/e con nós/nace a soidade”, escribe o poeta na peza A neve, e mergúllase a fondo na soidade acollido ás imaxes tantas veces revisadas, como no caso de Cambio
climático: “Estaba contento,/ a pesar de escribir estes tempos/ poemas de desolación, decepción e soidade, /A culpa téñena os cadros de Hopper”.

Na presentación de Maldita eternidade participarán, xunto ao autor, Maite Ferreiro, concelleira de Cultura; Montse G.A., Magadán, escritora e normalizadora lingüística; Xulio L. Valcárcel, escritor, editor e crítico literario.

Axenda Cultural de Lugo.

www.vivalugo.es

https://www.facebook.com/vivalugo

https://www.instagram.com/vivalugo/

https://x.com/viva_lugo