Teatro – «Casting»

Teatro – «Casting»

Este sábado, día 24, ás 20h, o Escenario Hipócrita acolle unha nova función de teatro. Trátase de Casting, da compañía lucense Hipócrita Teatro.

Casting é unha parodia protagonizada por personaxes que representan algúns dos estereotipos femininos característicos da industria cinematográfica de Holywood, prototipos de muller que se instalaron no inconsciente colectivo de varias xeracións servindo de modelos artificiais de feminidade.

Dan vida ós personaxes María García, Natalia Fernández, Marta Arias e Juan Rivas, baixo a dirección de Elea López.

O Escenario Hipócrita vén acollendo funcións de teatro o segundo e cuarto sábado de cada mes. A seguinte función será o sábado 9, Anacos, un espectáculo de narración oral de Ítaca Teatro.