Teatro – Heroes en decembro

Lugar: Auditorio Municipal Gustavo Freire
Categoría: Teatro Adultas
Idade recomendada: A partir dos 16 anos

Sinopse:

“Heroes en decembro” é unha conversa incómoda que é necesario ter. É unha batalla campal contra nós mesmas na que pretendemos poñer o foco nun dos grandes tabús da cotidianeidade. O programa terapéutico no que se enmarca o devir dos protagonistas cuestionará que sobrevivir non sempre devolve as ganas de vivir. Son necesarias a sorte, as ganas e un motivo ao que aferrarse.

Berta, escritora frustrada, atravésase o ventre cun coitelo de cerámica, porque son os que mellor cortan.

Agnes, sobrevivinte dos atentados do 11M precipita a súa cadeira de rodas escaleiras abaixo xusto despois de que a vexan masturbarse.

Xián, a pesar de estar a piques de saltar dunha altura de 50 metros, acobárdase cando ve que a ninguén lle importa.

Mar, traballadora social porque así o dí o seu título da carreira, traballa con suicidas para que a súa vida non pareza unha merda.

Esto é un convite a fedellar nunha ferida aberta. E un intento de suturala.

ENTRADAS

Adquisición de entradas a través do portal web entradaslugo.es e na Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.