O Vello Cárcere – Verán con exposicións fotográficas
‘Eros – Tánatos’ de Sonia Rey + ‘Epítome’ de Xosé Manuel Otero + ‘A intimidade da imaxe’ de Anna Turbau
O VELLO CÁRCERE – Praza da Constitución, s/n. 27002 Lugo
Horario
Mañás: Todos os días de 11:00 a 14:00 h.
Tardes: de domingo a mércores de 17:00 a 20:30 h. e de xoves a sábado de 17:00 a 22:30 h.
“Eros-Tánatos”
A través deste proxecto, a fotógrafa asturiana Sonia Rey (Xixón, 1981) reflexiona sobre a dualidade da vida e a morte dun xeito sensíbel e á vez tenso.
Tanto os autorretratos coma os cemiterios representados nesta mostra aparecen unidos por un fío conductor que busca sempre a estética fotográfica. Porque, secundando á autora, “o corpo de Eros, non esquezamos, que será o mesmo que o de Tánatos”.
Do 3 ao 31 de agosto
Segunda planta do bloque de mulleres
«Epítome”
«Epítome” é o proxecto fotográfico que Xosé Manuel Otero (Lugo) presenta no espazo de mulleres.
Esta mostra temporal recolle un conxunto de fotografías tomadas e impresas entre finais dos anos 70 e comezos dos 2000, que representan a vida urbana e rural galega, a relixión, o lecer, e tamén a paisaxe e a abstracción.
Nestes enfoques, salpicados case sempre pola figura humana, o espectador percibirá o valor etnográfico que subxace en cada unha das súas obras.
A mostra poderá visitarse ata o 15 de setembro na primeira planta do panóptico.
«A intimidade da imaxe»
Anna Turbau (Barcelona, 1949), é unha fotoreporteira moi ligada aos movementos da contracultura e o realismo fotográfico.
O seu traballo destacou a nivel nacional pola producción de obras feitas en Galicia entre os anos 1975 ao 1979, cando traballaba para a revista ‘Interviú’. Algunha destas obras foron adquiridas polo Museo Nacional Centro de Arte Reina Sofía.
A través da exposición»A intimidade da imaxe» narra a vida a finais dos anos setenta en Galicia, articulando todas as obras en diferentes itinerarios cuxa marca é a cor, o tamaño das fotos xunto coa súa disposición e as relacións que establecen algúns obxectos (as camas, por exemplo) entre situacións e espazos diferentes, e desenvolve unha proposta discursiva.
Esta exposición estará no Centro, nas celas da segunda planta de homes, ata o 30 de setembro.
