Concurso de DJ’s en Lugo. A final celebrarase o 30 de setembro de 2022
Dentro da iniciativa Localmente Lucense está aberta a inscrición no concurso de DJ’s.
Os participantes disporán de 30 minutos na sesión de tardeo ou noiteo que se lles asigne para realizar a súa actuación.
As inscricións, que estarán abertas a todas e todos os interesados, maiores de 16 anos, totalmente de balde, xa se atopan abertas cubrindo o formulario da web www.localmentelucense.gal/
O concurso levarase a cabo en dúas fases. Unha primera de preselección: durante os diferentes tardeos e noiteos de xullo, agosto e setembro, unha persoa do xurado rexistrará e valorará a sesión do/s aspirante/s asignado á mesma e de aí, finalmente, seleccionaranse ás tres persoas DJ’s que pasarán á final do concurso.
A final celebrarase no último tardeo Localmente Lucense, o 30 de setembro de 2022. No transcurso dun evento especial as tres persoas finalistas someteranse á decisión final do xurado profesional.
Premios do concurso
1º PREMIO:
- Master class a cargo de DJ’s profesionais de recoñecido prestixio.
- 3 actuacións nos eventos LocaLmente Lucense.
- Sesión de fotos e videobook.
- Diploma e certificado de clasificación.
2º PREMIO:
- 1 Experiencia local Localmente Lucense.
- 1 actuación nos eventos Localmente Lucense.
- Diploma e certificado de clasificación.
3º PREMIO:
- 1 Experiencia local Localmente Lucense.
- Diploma e certificado de clasificación.
