A Banda de Música de Rábade, Begonte e Outeiro de Rei Músico Cristo amenizou a mañá na Praza de San Marcos, cunha actuación incluída no programa Musiqueando impulsado pola área de Cultura da Deputación de Lugo
Máis de 70 agrupacións musicais -bandas, corais e grupos tradicionais da provincia- solicitaron a participación no programa, que se ofreceu a
concellos e asociacións a fin de que elixisen e concertasen actuacións, sen ningún custo, xa que a área de Cultura asume integramente o financiamento. Pecháronse un total de 45 actuacións en 26 concellos da
provincia, que se está a celebrar desde o pasado mes de setembro.
Este ano, a convocatoria adaptouse á situación provocada pola Covid 19, de forma que as agrupacións que vexan suspendidas as súas actuacións
polas restricións de mobilidade e capacidade nos distintos concellos teñen a posibilidade de ofrecela de forma virtual, cunha gravación audiovisual que se difundirá a través das canles dixitais da área de Cultura.
