Lugo Cultural 2025 - Programación. Actividades culturais abertas a todo o mundo.
Concertos
A Banda da Loba (19/02), Eris Mackenzie (13/03) e Maricarme (10/04) na Praza de Santa María, ás 20.15 horas, (en caso de choiva Auditorio de Veterinaria).
Su Garrido Pombo e Marco Maril este 14/02, Abril (28/03) e 9 Louro (03/04) na Casa do Saber, ás 20.30 hs.
Como actividade complementaria, desenvolveranse encontros entre artistas e estudantado preuniversitario de centros de ensino medio na Casa do Saber.
O mesmo 14 de febreiro, ás 13.00 horas, será a quenda de Su Garrido Pombo, quen abrirá este ciclo de citas nos que a mocidade entra en contacto directo coas persoas protagonistas do panorama musical.
Coral ‘Lucus Terra’ do IV Ciclo da USC, o 10 /03, ás 20.00 hs, na Casa do Saber.
Orquestra e Coro da USC no Auditorio Fuxan Os Ventos o 27/04, ás 19.00 hs.
O ciclo ‘Na Calzada’ que abre a recepción de propostas musicais dende o 10 de febreiro ata o 7 de marzo. Este é un programa que dá cabida a novos talentos musicais, xa consolidados ou en fase de formación, a fin de que poidan presentar a súas respectivas creacións.
Formación
A programación cultural da USC no Campus de Lugo en materia formativa xa está en marcha con ‘Preparando… Paisaxe Sonora, Videocreación, Findecurta’, cuxo prazo de inscrición permanecerá aberto ata unha semana antes do inicio de cada un dos tres módulos que a integran.
O módulo 1 denomínase ‘Laboratorio Sonoro: Técnicas de gravación, software e creación de Paisaxes Sonoras’ e terá lugar os días 14 de febreiro, de 16.00 a 21.00 horas, e 16 de febreiro, de 9.00 horas a 14.00 horas.
‘Sementando Videoarte’ é o título do módulo 2 que se desenvolverá o 21 de febreiro, de 16.00 a 21.00 horas, e o 23 de febreiro, de 9.30 a 14.30 horas.
Finalmente, o módulo 3, e ‘Cine de Guerrilla: Crea Cine Sen Límites’ terá lugar o 14 de marzo, de 17.00 a 19.00 horas e o 15 do mesmo mes, de 10.00 a 14.00 horas e de 16.00 a 20.00 horas.
Arturo Vaquero (módulo 1), Carmen G. P. Granxeiro (módulo 2) e Bruno Máez (módulo 3) serán as persoas relatoras no marco desta actividade.
Fotografía
Xa é posible solicitar praza nos Encontros Fotográficos que traerán á cidade de Lugo a ollada de Paula Quiroga Rodríguez (7 de marzo), Cata Rego (21 de marzo), Tono (22 do mesmo mes), Vicente Fraga (28 de marzo) e Jesús Madriñán (4 de abril).
Ademais, o primeiro encontro do Grupo Fotográfico do Campus que se basea nun acompañamento titorizado das persoas participantes, terá lugar o 24 de abril.
As inscricións e dúbidas canalízanse a través do enderezo electrónico cultura.lugo@usc.gal ou nos teléfonos 982 82 15 13 / 982 82 15 11.
A mostra do XXX Maratón Fotográfico pode visitarse na Biblioteca Provincial ata o 26/02.
Encontros de Lúa Chea
Coloquios distendidos que dende a cafetaría da Escola Politécnica Superior de Enxeñaría, serven para profundar e debater en temas de actualidade, tamén agromarán neste 2025.
Así, e grazas ao pulo do colectivo Proxéctate en Galego, abordaranse cuestións como a agricultura en Palestina (26 de febreiro), urbanismo e acceso á vivenda (12 de marzo), Franco 50 anos despois (2 de outubro) ou 15 anos do decreto do Plurilingüísmo (29 de outubro).
Todos os encontros botan a andar ás 19.00 horas.
Teatro e danza
02/04, Compañía de Teatro USC-Lugo «Alicia wants to», no Auditorio Gustavo Freire.
11/04, na Casa do Saber, Compañía Vaites Vaites IV Ciclo con «Cara de Leoparda».
Do 2 ao 11/04 Festival de Teatro Universitario.
A cita con EscaparArte será o 5 de abril.
O Encontro de Danza Universitario desenvolverase do 8 ao 10/05.
Cine
Do 21 ao 25 de marzo, chegará unha nova edición do certame audiovisual Findecurta, cuxa inscrición poderá formalizarse do 5 ao 19 de marzo. A proxección dos traballos e a entrega de premios terá lugar o 25 de abril no Auditorio da Facultade de Veterinaria.
Xa no outono, Paisaxe Sonora, Videocreación, entre outras actividades.
Presentación
A vicerreitora de Estudantes e Cultura, Pilar Murias Fernández, presentou a programación cultural da USC, que forma parte da Primavera Cultural, no Campus de Lugo para os vindeiros meses, nun acto que tivo lugar no Pazo de Montenegro.
Tamén interviñeron na sesión a deputada provincial de Cultura, Iria Castro Fernández, e a concelleira de Cultura, Turismo e Promoción da Lingua, Maite Ferreiro. Parte da programación desenvólvese ao abeiro do convenio Lugo Cultural, que recibe financiamento do Concello e da Deputación de Lugo.
Tamén interviñeron na sesión a deputada provincial de Cultura, Iria Castro Fernández, e a concelleira de Cultura, Turismo e Promoción da Lingua, Maite Ferreiro. Parte da programación desenvólvese ao abeiro do convenio Lugo Cultural, que recibe financiamento do Concello e da Deputación de Lugo.
“Esta é unha programación cultural cun claro compromiso coa formación”, sinalou Pilar Murias. A vicerreitora destacou tamén o feito de que as actividades culturais da USC teñen “a vocación de ir máis alá da comunidade universitaria”, así como dar pulo á “creación emerxente”.
Maite Ferreiro, pola súa parte, destacou “a mestura entre estudantado e veciñanza” que xera a Cultura, mentres que Iria Castro puxo o foco na innovación e nas “cousas novas para buscar actividades de lecer” que ofrece a sinerxía entre institucións.
Axenda Cultural de Lugo, Viva Lugo
https://www.facebook.com/vivalugo
