O furacán Kirk suspende o San Froilán 2024 durante 24 horas.
Entre o MARTES 08 ás 18:00 e o MÉRCORES 09 ás 18:00.
A área de Cultura e Turismo de Lugo e Promoción da Lingua, en previsión da alerta meteorolóxica ante a chegada dos restos do furacán Kirk, suspenderá as actividades ao aire libre previstas no programa de festas de San Froilán 2024 entre o MARTES 08 ás 18:00 e o MÉRCORES 09 ás 18:00. NON haberá concertos, pasarrúas, barracas, casetas de polbo … ou calquera outra actividade do programa ao aire libre.
A previsión meteorolóxica prevé rachas de vento de ata 100 Km/h, o que fixo que se declarase o nivel amarelo de emerxencia (peche dos parques da cidade e das instalacións deportivas descubertas)
A área de Cultura comunicará calquera cambio que se teña que producir no programa de Festas segundo avance a previsión meteorolóxica.
