Cine «À nos amours»
Cine «À nos amours» (VOSE)
Mér, 25/03/2026 – 19:30
Unha vez iniciada a proxección non se permitirá o acceso á sala. Entrada libre para socios do club e comunidade universitaria, resto do público cota proporcional de socio, 2€.
A moza Suzanne non é capaz de entregarse emocionalmente ao seu pretendente e comeza a ter furtivos encontros sexuais, sempre evitando o amor e a expresión das emocións. Suzanne foxe das complexidades familiares, presididas por un pai que desaparece, unha nai histérica e un irmán agresivo. O espertar sexual e a educación sentimental dunha adolescente nun axustado relato que supuxo o debut (con quince anos) de Sandrine Bonnaire como actriz. Excelente Pialat no papel do pai nun filme que obtivo premios César á mellor película e actriz promesa (Bonnaire) e o Prix Louis Delluc.
Premios
1983: Premios César: Mellor película, mellor actriz novel (Bonnaire). 3 Nominacións
1984: Festival de Berlín: Sección oficial de longametraxes nominada mellor película.
