Presentación do libro ‘Réquiem’ de Eugénio Outeiro
Presentación do libro ‘Réquiem’ de Eugénio Outeiro
Este venres, 19 de xuño ás 19:00h, terá lugar na librería Trama a presentación do libro ‘Réquiem’ (XXVIII Premio de Poesía Johán Carballeira), de Eugénio Outeiro. O autor estará acompañado de Silvia Penas e María Casar.
Sobre ‘Réquiem’ (Xerais):
Os versos de «Réquiem», estruturados como un acto relixioso, conforman un poemario coral que honra os asasinados pola barbarie fascista na Illa de Arousa. A memoria das vítimas mestúrase coa paisaxe e co mar, símbolo de dor mais tamén de esperanza, e as súas voces resoan coma ecos na auga, reclamando xustiza e descanso. A través da evocación dos nomes e das súas historias, o poema convértese nun canto colectivo á dignidade, á loita e á permanencia da lembranza fronte ao esquecemento.
