40 proxeccións de filmes en galego pola provincia de Lugo

As galegas “Cuñados” e “Malencolía”, a inglesa – dobrada ao galego- “O noso último verán en Escocia”, a película de animación da cineasta ferrolá Chelo Loureiro “Valentina” e “Bella e o Circo Máxico”, tamén dobrada ao galego, son as películas que forman desta programación de cine ao aire libre.

Promovida pola área de Cultura – Vicepresidencia da Deputación de Lugo,  contribúe a ampliar a axenda cultural dos concellos nos meses de verán, ao tempo que se ofrece a posibilidade de ver cine en galego de forma colectiva en lugares alleos aos circuítos comerciais.

Así, as proxeccións chegarán a distintas localidades de Meira, Muras, Riotorto, Ourol, Lourenzá, Pantón, Cervantes, Outeiro de Rei, Taboada, Carballedo, O Corgo, Vilalba, O Vicedo, O Saviñao, Navia de Suarna,
Ribeira de Piquín, O Valadouro, Castro de Rei, Castroverde, A Pastoriza, Sarria, Burela, Folgoso do Courel, Guitiriz, Xermade, Triacastela, Becerreá, O Páramo, Láncara, O Incio e Vilalba, e a parroquias rurais de Lugo.