Ciclo “Sons de Maio arredor da tradición oral”

Ciclo “Sons de Maio arredor da tradición oral”

Actuacións na Praza da Soidade de Lugo das aulas de música, canto e baile tradicional da Tradescola.

O luns 12 partir das 18.00 horas será a banda de gaitas e percusión da Tradescola a que nos ofrecerá un repertorio de música tradicional, a partir das 20.00 horas, as escolas de canto e pandeireta da Tradescola serán as encargadas de facer soar os Sons de Maio na Praza da Soidade.

O martes día 13, os encargados do sons serán os alumnos e profesores de canto e pandeireta, pandeira e baile tradicional, que ofrecerán a súa actuación a partir das 19.30 horas.

O mércores soarán as gaitas, acordeóns e a percusión tradicional, tamén as 19.30 horas, e o xoves pecharemos este ciclo de audicións co alumnado de zanfona da Tradescola.

Esta nova actividade de difusión e promoción da nosa música, o noso canto e o noso baile tradicional conta coa colaboración da área de Cultura da Deputación de Lugo.

Con estos concertos, a Tradescola quere sumarse ós distintos actos en homenaxe as nosas cantareiras e a nosa tradición oral, no día das nosas letras, e nos mesmos, poderemos gozar de numeroso repertorio tradicional, interpretado pol@s alumn@s e mestres da Tradescola onde non faltarán gaitas, zanfonas, requintas, percusións, acordeóns, cantareir@s e por suposto bailadores e bailadoras.