Antía Yáñez presenta a súa última novela en Lectocosmos

A escritora burelense presenta o seu último traballo O clan das barbies (Editorial Xerais, publicado en castelán pola editorial Contraluz) na librería Lectocosmos o 15 de novembro ás 19:30.

Esta novela distópica preséntanos un futuro onde a baixa natalidade é unha preocupación global.

Baixo o paraugas desa preocupación, permítense todo tipo de violencias que afectan, sobre todo, ás mulleres e ás clases baixas.

Un encontro fortuito nunha clínica de fertilidade é o punto de partida dunha amizade que xorde da desperación e a carraxe e que leva aos protagonistas polo camiño da vinganza. Porque a violencia nunca é a solución, ata que o é.

Antía Yáñez naceu en Burela no ano 1991. A súa obra, que abarca dende literatura infantil (O misterio de Portomarín) e xuvenil (Be water) ata novela contemporánea para adultos (Non penses nun elefante rosa), foi recoñecida en numerosas ocasión con premios como O Premio Fina Casalderrey, o Premio Agustín Fernández Paz pola Igualdade ou o Premio Illa Nova.

Entrada libre ata completar aforo.