Coloquio «A xestión de proxectos musicais»

Coloquio «A xestión de proxectos musicais»

Mércores 30 de outubro – 12:30 horas- Facultade de Humanidades – aberto ao público en xeral

«A xestión de proxectos musicais: experiencias prácticas desde o interior da industria».

Contará coa participación de dous profesionais destacados do sector musical: Andrés Rivero, xestor de @latexopercusion, e Manuel Lucas, xestor da banda @deninghures. Moderado polo profesor Raul Rios.

Os convidados compartirán as súas experiencias sobre como xestionar proxectos musicais, afondando en aspectos como a distribución de música en diferentes formatos, a relación coas administracións públicas, a profesionalización dos músicos ou a importancia das redes sociais.

Tamén se falará sobre cales son os ingresos e os custos dun proxecto musical, ou se debaterá sobre as vantaxes e inconvenientes da autoxestión fronte á contratación de servizos de profesionais especializados.

Este coloquio será unha excelente oportunidade para o alumnado e o público asistente para coñecer de primeira man as dinámicas e retos da industria musical.