Concentración «Paremos o xenocidio da poboación palestina en Gaza!»

Concentración «Paremos o xenocidio da poboación palestina en Gaza!»

Praza Maior, diante da Casa do Concello, o martes 10 de decembro ás 20 h.

«Nuns días, o 10 de decembro, celebraremos un ano máis o Día Internacional dos Dereitos Humanos, unha data crucial para lembrar a importancia de defender a dignidade e o respecto por todas as persoas en todo o mundo.

Lamentablemente, neste mesmo momento, en Gaza estase a cometer un xenocidio contra a poboación palestina que non podemos ignorar.

Para comprender a magnitude e o impacto nos dereitos humanos, un dato: os ataques israelís contra obxectivos civís en Gaza causaron a morte de máis de 13.000 nenas e nenos.

Como mostra de solidariedade coas vítimas e para esixir a Israel que poña fin ao xenocidio, o grupo de Lugo de Amnistía Internacional chama a participar na concentración que terá lugar na Praza Maior, diante da Casa do Concello, o martes 10 de decembro ás 20 h.

Non podemos permanecer impasibles diante destas atrocidades. Xuntas e xuntos, podemos conseguir que a nosa voz sexa máis forte.»